🎶 भजन श्री श्याम (धमाल) 🎶
खर्चों भेज दे सांवरिया, फागण मेलो आयो रे, खर्चों भेज दे।
मैं सुत्यो थो सपने में, थारो हेलो आयो रे, खर्चों भेज दे।।
हो हो खर्चों ...............
म्हें आस्यां घरवाली नै लास्यां कपड़ा नया सिमास्यांजी।
टिकट कटास्यां एसी की म्हारे जी म आवे रे, खर्चों भेज दे।।
हो हो खर्चों ...............
तूं तो हेलो मार दियो बाबा तेरो काई लागै रे।
अन्टी खोलण तांई बाबा क्यूं शरमावै रे, खर्चों भेद दे।।
हो हो खर्चों ...............
हीरा मोती जड़कर थारी श्याम ध्वजा बणवास्यां जी।
बागो भी पहरावां थाने, मन म आवै रे, खर्चों भेद दे।।
हो हो खर्चों ...............
मनीआर्डर भिजवादे फिर चाहे बारह महीना राख ले।
'बनवारी' खर्चों मोटो है, भेज सवायो रे खर्चों भेज दे।।
हो हो खर्चों ...............
कोई टिप्पणी नहीं:
एक टिप्पणी भेजें
हम से जुड़े रहने के लिए आपको बहुत-बहुत धन्यवाद