बेगा सा संकट हरो रखो भगत को मान ।
बेगी सी सुध ले लीज्यो सालासर हनुमान ।। दोहा ।।
सालासर वाला ओल्यू थारी आवे रे
ओल्यू थारी आवे रे याद सतावे रे
याद सतावे रे सालासर बाला ओल्यू थारी आवे रे ।।टेर।।
मंगलकारी, हो बलकारी, सारे जगत में महिमा है भारी,
जियो घबरावे रे जियो घबरावे रे जियो घबरावे रे सालासर वाला ओल्यू थारी आवे रे ।।1।।
दुष्ट निकंदन, हे दुख भंजन, नैना तरस रया अंजनी नंदन
दर्श दिखा दे रे दरस दिखा दे रे दरस दिखा दे सालासर वाला ओल्यू थारी आवे रे ।।2।
सोहनसुत अब,हिम्मत हारी, सुन लीजो बाबा अरज हमारी
कृपा बरसा दे रे, कृपा बरसा दे रे ,कृपा बरसा दे रे सालासर वाला ओल्यू थारी आवे रे ।।3।।